Адамның сыры көңілде,

Көңілге көңіл бөлейік.

Көңілдің сыры тереңде,

Тереңге терең енелік.

Тұңғиық терең тұрады,

Сенім мен көңіл күмәні.

Бірінен-бірі бөлінбес,

Сезімдер жарыс құрады.

Күмәнның жолы шытырман,

Сенімді артқа ықтырған.

Алысқа бармас пенде де,

Күмәнға сенім жықтырған.

Жеңілме сенім-күмәнға,

Енбегін қалың тұманға.

Надандық жүрген жерінде,

Берілме күмән-сенімге.

Таразға таяқ секілді,

Көңілдің жүріс екпіні.

Тең ұстап пенде көрелік,

Ақылың етсін төрелік.

Ақылмен сенім жалғассын,

Ақылмен күмән тоқталсын.

Өмірдің ұзақ жолында,

Сезімен жарға соғылма.

(Қыдырәлі Тарыбаев. Ақпан. 2001 жыл)