Пайғамбар өсиеті бос бола ма?

Мастық тән, әйел мен жас балаға,

Бес күндік жалғандықты меңгермесе,

Ақыл толмас еркекке қырқында да.

Қырық қожа әр жылды толтырғанда,

Қырқа асырып, ес кірер азаматқа.

Тоғыз төре төбеден келтіруге,

Тоғыз жолға жалғанбақ есті адамға.

Құпия сыры сөздің  астарында,

Өлеңді арнағанмын ақындарға.

Сөз атасын ұстаған ақсақалдар,

Өз қадірін үлкендіктің артырарға.

Қарсы болған әйелдер, жастары да,

Ақыл жетпей жанды сөздің астарына.

Әйел мен жігіттерге ұғымсыз боп,

Сөзде емес кінә өзінің мастығында!

Уәзінмен сөз жазатын ақын бара ма?

Сөз асылы сақталмай астарында.

Қоштаса алмай жігітікпен үлкендері,

Қазақтың тектілігі жақсара ма?

Хандық салт, тәжсіз төре болмағанда,

Сана түгіл, жете тұрмас жалаңбаста.

Суық ми, сасық ойлы үлкендерге,

Ақсақалдық сөз атасы тек қона ма?

Ел басшылық оңай болды жас балаға,

Жете, сана екі күнің жоғалғанда,

Қатын қалай еркектермен тең болмасты,

Үлкендер жігіттікпен дос болғанда.

Білімді арқалаған бүгін таңда,

Есектей есеп білмес, жүк артқанда.

Ар-ұят, ғылымменен ақыл алмай,

Ұрлатқан елдің ділін шайтандарға.

Қал ғылымын «тура жол» қылғанда

Тәпсір білген ғалым боп аталғанда.

Тарихатпен, мағрипатты меңгере алмай,

Ақиқатсыз тура жолға жалғанама?

Хал ғылымын меңгермей жол бола ма,

Пайғамбарлық қасиетсіз дін тура ма?

Қырық жеті белгісін түгендемей,

Шапағат рахметінсіз ес тұра ма?

Досынсыз Алла көкке саты жалғана ма,

Қадірі Алланың доссыз есте сақтала ма?

Жерден тесік, көкке саты іздемейтін,

Масһабпен барша дінге бас бола ма?

Діннен қашқан қадірі бүгін таңда,

Дін ғылымын меңгеріп жас бала да.

Қатын қыздар тәпсірмен ақылды боп,

Құранның құн жоғалды бұл заманда.

Құраннан кітап алмай тек оңа ма,

Үлкендіктің қадірін бағалауға?

Өзін-өзін төмендеткен үлкендерің,

Сөз түзелмей, ел түзеуге тұра ала ма?

(Қараша айы 2016 жыл)