Сенімді болу мен иманды болудың айырмашылығы қандай? Әрбір тілін кәлимаға келтіріп, жаратқанның құдіретін, кітаптарын, пайғамбарларын мойындап, намазын, құлшылығын орындағандар исламда мұсылман, ал дінде сенім келтіргендер, сабырлықты меңгергендер болып саналады да, иман келтірудің Құдай ісі мен дарындылықтарды меңгерумен байланысты екенін Інжілдік насихаттан; «Бауырластар, Құдайға сендер үшін әрдайым шүкірлік етіп, үнемі алғыс айтуға тиіспіз. Бұл әділ де, өйткені бәріңнің сенімдерің мен өзара сүйіспеншіліктерің артып келе жатыр. Сондықтан біз бастарыңнан өтіп жатқан әр түрлі қудалау мен қиыншылықтар кезіндегі шыдамдылықтарың мен сенімдеріңді Тәңірдің өзге қауымдарына айтып мақтанып жүреміз. Бұның бәрі Құдайдың барлық адамдарды әділ соттайтынын көрсетеді. Ол Өзінің Патшалығы үшін азап шеккен сендерді оған кіруге лайықтысыңдар деп есептейді. Сендерді қинағандарды құдай қинамақ, ал қиыншылық көріп жүрген сендерге бізбен бірге тыныштық бермек. Құдайдың әділдігі осындай… Ол өз ұлылығына байлығына сәйкес, Киелі Рухының арқасында жан дүниелеріңді, Өзінің құдіретімен нығайта көрсін. Мәсіх, сенімдер арқылы жүректеріңе орнығып, рухани өмірлерің Оның сүйіспеншілігіне тамыр жайып негізделсін. Осылай сендер Мәсіхтің сүйіспеншілігінің қаншалықты кең де көз жеткісіз, терең және биік екенін, Құдайдың бүкіл халқымен бірге түсіне алып, адам санасы жетпейтін,(иман) осы сүйіспеншілікті танып білсеңдер екен. Сол арқылы Құдайдың рухани қасиеттері бойларыңа толықтай дари берсін! Ал Тәңіріміз бізге әсер ететін Өзінің құдіреті арқылы біз сұрағаннан немесн ойлағаннан әлдеқайда көп нәрселерді істей алады. Оның даңқы қауымда Иса Мәсіх арқылы ұрпақтан ұрпаққа жетіп, мәңгілік арта берсін!».
Бұл өсиетпен дін ғалымдарымыздың иман келтіру деп иман қуатын жүрекке зейнеттеп алуды адам санасы жетпейтін құдайлық болмыс, мейірім екенін, яғни адамзаттың бір-біріне деген махаббатпен іс қылуға жетелейтін хикметті құпия білімді ескертеді. Сондықтан тек сенім қуатын жетілдіруге ғана негізделген құлшылықтармен, дінді тек парыздармен шектеп, құдайдан келетін хабарларды, уахи-баталарды теріске шығарып үкімдеушілерге: «Сол адамдар (дінді мазақтаған) мәңгі бақи Иеміздің (Раббымыздың) алдын көрмей, Оның салтанатты ұлық құдіретінен аласталып, шексіз қасірет шегетін болады. Сол күні Иеміз келеді де, Өзіне бағышталған адамдардың жасаған игіліктері үшін зор мақтанышқа бөленіп, Өзіне сенген олардың бәрін қайран қалдырады. Сендер де солардың ішінде боласыңдар, өйткені біз әкелген ізгі хабарға (аруақтар батасына) сендіңдер.» «Сондықтан біз әрдайым сендер үшін былай деп мінәжат етеміз: Құдай сендерді құтқарылуға шақырған соң соған лайықты өмір сүрулеріңе, ізгі ниеттеріңді жүзеге асыруларыңа, сеніммен бастаған істеріңді Құдайдың көмегімен аяқтауларыңа қабілет бергей... Иеміз (Раббымыз) сүйген қымбатты бауырластар, сендер үшін Құдайға алғыс айтуға міндеттіміз. Себебі Ол сендерді Киелі Рухының арқасында Өзіне бағышталып, таза жүріп, шындыққа (уахи-бата, аян) сеніп, құтқаруларың үшін әуелі бастан таңдап алған еді. Біздің сендерге уағыздаған Ізгі хабарымыз арқылы Құдай сендерді Иса Масихтің салтанатты ұлылығынан үлестеріңді алуға шақырады. Сондықтан бауырластар, сенімдеріңе берік, табанды болып, біздің ауызша және жазбаша (киелі кітаптар, хадистер) үйреткен уағызымыздан таймаңдар. Лайым бізді сүйетін, рақымын төгіп, мәңгілік жұбаныш пен үзілмес үміт берген Құдай әкеміз (Раббымыз) жүректеріңді жігерлендіріп, сендерге іс жүзінде де, сөз жүзінде де ізгілік жасауға күш бергей..
Енді інжіл жазбалары да сеніммен иман келтіру ерекшелігін ашалап көрсеткенін байқауға болады. Яғни: «сеніммен бастаған істеріңді Құдайдың көмегімен аяқтауларыңа қабілет бергей.». Адам баласының сенімі сынақтармен шыңдалып, жетілу барысында сабыр қуаты болып нәтижеленеді. Иман қуаты сана қуаты болып, тек құдайдан келетін көмектің яғни иман қуатының ғана әрбір ғибадаттың, құлшылықтың нәтижесін Құдайдың көмегімен, достары болған әулилер арқылы көруге болатынын ескертеді. Бұл дұға тілектерден інжіл жазбалары арқылы көрсетілген тарихи оқиғалардың, қазіргі қазақ елінде де көктен түскен Ғиса пайғамбарымыздың аруағы бастаған Алла жолындағы рухани соғыстың, діни надандықпен күрестің, ел, дін басқарушыларынан келген қарсылықтардың, оқиғалардың сол қалпында қайталануымен, елшілер батасының да ата жолында халықты әулиелер батасымен рухани тазаруға, күнәнің өлуіне шақырып жүргендерге арналған 2000-жылдық шежіренің тереңінен жеткен ізгі тілек деп түсінгеніңіз абзал, оқырман! Құран аяттарында да, барлық тарихи оқиғаларды және аталарымыздың; «Жаңбырменен жер көгерер, батаменен ел көгерер» деген нахылын аятта; «Расында үгіт алулары үшін; жаңбырды араларында айналдыра жаудырдық. Сонда да адамдардың көбі, бас тартып, мүлде қарсы келді.» (25-50) Міне бата мен жаңбырдың мемлекеттер арасында кезекті айналып, яғни жаңбырмен, бұлтпен бірге бата-уахи үгіттің де келуіне, өліктердің тіріліп, сөйлеуіне адамдардың көбі болған исламдық масхаб дін ұстанушыларының қарсы болатынын ашықтай ескертеді. Сонымен бірге қазақ елінде осындай көктен келетін уахиларды, хабарларды тыңдауға жаппай халықтың жүрек көздерін ашуға Ақ ұл арқылы жіберілген мұғжизаны «жын-шайтаннан» деген дінші қауымға аятта; «Егер қаласақ, әр кентке бір ескертуші жіберер едік.» (25-51) деген үкіммен «Қазақты Құдайдың нұры түсіп, қалауы да мүмкін емес, тек Ханафи масһабы ғана құдай қалауы болып, тура жол қылған» деген пәтуалары Аллаға, аяттарына ортақ қосу екенін ашық ескертіп, тұтас үммет түгіл, әрбір қалаға да елші жібере алатынын ескертеді.
