Байтасов Т.К. жеке блогы

Ауруын жасырған өледі,

Күнәдан ауру өнеді.

Жасаған күнәсін жақтаған,

Ауруға байланар пендесі.

Атымтай Жомарт көңілі,

Аңқыған жұпар иістей.

Сезілсе көңіл тоқыны,

Ар-ұжданды намысшыл

Парықсыздық көбейген,

Қажырлық бойда түгескен.

Тәуекелге бел буар,

Ниетті пенде сиреген.

Қанағатсыздық жүректе,

Айналды ол бір дертке.

Мал дүние, табыс мақтаныш,

Ақылды байлап керекке.

Қыл үстінде тұрғандай,

Күй кешіп жүр адамдар.

Сынағын өмір қарсы алмай,

Төзе алмай жүр жарандар.

Асық болып адалға,

Тазалық болып қолдарда.

Асқазанға арам жинамай,

Жиркеніш болса арамға.

Ізгілік он саусақта,

Бес қуатпен оң солда.

Бес өнердің бар күшін,

Айналдырған қимылға.

Ғажайып күш тылсымнан,

Нұрынан Алла қосылған.

Қозғауды салып тағдырға,

Пенденің жанын оятқан.

Нұрдан үлес алғандар,

Тағдырын көріп амалдар.

Кемшіліктерін көрумен,

Түзетіп аман қалғандар.

Тылсымның түссе хикметі,

Жан оянып тірілер.

Алланың берген нығметі,

Ақ түске еніп түрленер.