Байтасов Т.К. жеке блогы

Қауымыңды түзеп еңбек ет,

Арттағың көріп шаттансын.

Күнәні көрсең жәрдем ет,

Пиғылын түзеп туыстың.

Жалғыздық құдайға жарасқанды,

Бар нәрсені жұп парымен тарқатқанды.

Адамға көбеюді бұйырған Құдай,

Жалғыз жүрме, тап жұбыңды ұнатқанды.

Қарызды өте тірлікте,

Қарызбын деп есепте

Ата менен анаға

Келтірген сені дүниеге.

Қарызсың ата-бабаға,

Жұрнағысың жалғанда.

Жалғасы тектік ағаштың

Әке мен ата басқаға.

Тереңнен терме адамның,

Кемшілігін бойдағы.

Өз мініңді тауып ап,

Ақылдың артсын салмағы.

Тәуекел деңіз Аллаға,

Қиналсаң өмір жолында.

Жүрегің таза, сөзің ақ,

Амалың сәйкес болғанда.

Көңілің қалпын бұзып тұрса,

Тұрақсыз айнымалы аласұрса.

Ашынып баяу таппай іштен мінез,

Құбылған қылық шығар жындылыққа.

Ой салса біреу ісімен,

Қылығы және сөзімен.

Жақсы менен жаманның,

Айырмасын білерсің.

Аян түске жалғанып,

Құдайдан хабар мың алып.

Көркем істі көбейткен,

Тағдырын жүктен тазартып.

Ашулану болса дертің,

Соңыңнан ерер жендетің.

Айықтырмас күнәдан,

Тозақтық болып өтпексің.

Ұяттың кеш келгені,

Еш емес өткен күндері.

Қалған күннен ол артық,

Табылып қайта өнгені.