Байтасов Т.К. жеке блогы

Құмарлық деген бір ит бар,

Жаныңа жау шын ит бар.

Алды-артыңа қаратпас,

Рахымы жоқ тым ит бар.

Еріншектен-салақтық,

Салақтықтан-надандық…

Бірінен-бірі туады,

Жоғалар сүйтіп адамдық.

Ашу келсе, тұрғызбас,

Артыңа мойын бұрғызбас.

Көрінеу отқа салады,

Орынды жұмыс қылғызбас.

Шедірейіп, шекиіп,

Қасын керіп кекиіп.

Қолдан пішін жасаған,

Біреу келер секиіп.

 Балаңа ғылым үйрет жас күнінде,

Досыңа жақындама  мас күнінде.

Халқыңа қайрылар деп насихат айтпа,

Ел бұзық, ерегескен, қас күнінде.

Мақтан үшін мал жима, жан үшін жи,

Қазаққа көз сүзбестің қамы үшін жи.

Арың сатпа, терің сат,  адалды ізде,

Ғибадат пен адалдық, ар үшін жи.

Мен бір – тілсіз көлікпін,

Басыма соқпа дауың жоқ.

Тепкілеме, өлікпін,

Шайтаннан басқа жауым жоқ.

Қазақтың жаманы болмас,

Жаманнан аманы болмас.

Бірігіп іс қылатұғұн,

Түзелер заманы болмас.

Ажал жетсе өлдің бе,

Өлім келді, көрдің бе?

Баянсызға салынба»-

десе, тоқтау бердің бе?

Біздің қазақ әркімді қылар мазақ,

Деп жүрме екен өзім бойым таза-ақ.

Осы жұрттың байқаңыз, беті қалай,

Қайда қаңғып барады осы қазақ?