Байтасов Т.К. жеке блогы

Заң, тәртіпке бағынған,

Ой жорумен би болған.

Жасаған қолдап тұра ма?

Заңымен мықты кім болған?

Бірлікпенен іс қылмақ,

Жетістікке қол созбақ

Тектілердің ісі емес,

Орын таппай баптанбақ.

Арпалысып алысып,

Шындықты көрмей, мардамсып

Шариғат ісін жол қылған

Тәпсірді алған білім ғып.

Жүректін үнін тылсымнан,

Ой түбіне жасырған.

Жазуы Алла таусылмас,

Қалам деп ілім аталған.

Ерік күші болмаса ақылдың,

Қалауы болмаса жете, сананың.

Ісіңде салмақ, сөзде пәтуа,

Болмайды қуаты жаныңның

Желпіндірер жастық шақ,

Келмес қайта айналып,

Жүрекке жиған нұр қуат,

Қанмен бойға таралып

Сөз -қуат, күш берер,

Желпіндіріп сес берер.

Аяқтан шалып еңкейтіп,

Кейбірі сүйектен өткізер.

Ұйқастық іздеп сайраған,

Жаздым деп өлең қуанған

Келістіріп шумақ сезіммен,

Сөзінен құнар жоғалған.

Құйқылжытып ән салған,

Шындықты айтып сайраған.

Құстардың әсем әнінде,

Ақиқат үні жасырылған.

Періліктің әсері,

Өсірсе тырнақ ұлғайар.

Жанған іштен қаралық,

Тырнақ боп өсіп тазарар.