Байтасов Т.К. жеке блогы

Қызыр Ілияс бабаның,

Алсаң егер батасын.

Жолға түсіп жортқанда,

Білесің жолың боларын.

Жақсы мен жаман парасы,

Ақ пен қуат қарасы.

Нәсілдерден белгі бар,

Аң, құс, жәндік жалғасы.

Тілсіз жау арам ниетің,

Қанды бұзар қасиетің.

Қоя біл тілге тиекті,

Айтпасаң үнін жүректің.

Оңай олжа, асық сөз

Көп адамға болды кез.

Ауызы қисық, соқыр көз,

Бұрды жүзден кезбе-кез.

Ашылып есік тылсымнан,

Айнасы түсті жарықпен.

Иманның болып суаты,

Ілім мен білім қосылған.

Күш сынаспақ арсыздық,

Тектілікке баланды.

Бастағы ой салқындық,

Әдептілік аталды.

Насихаты ескінің,

Асыл кітап көгінен.

Ізбөріден тараған

Қазақтың қан тегінен.

Құдайдың ұзын құрығы,

Ілінбес маған демегің.

Тағдырдың құпия бар сыры,

Екі қол ісің келетін.

Асыққан ісі шайтанның,

Байыпты бол қашанда.

Ғалымның сөзін салмақтап,

Үңіл оның астарына.

Адуын күш сермер алыстан,

Зауалдың басын қайтарар.

Тасыма болған керілік,

Таба алмай көзін адасар.