Байтасов Т.К. жеке блогы

Айдың шарлап ар жағын,

Қайта келген жаның бар.

Ай артында қапаста,

Суықтықта шыңдалар.

Зәйтүнің бар қасиеті,

Шипасы тиер адамға.

Жапырағында бар құдіреті,

Тең келетін иманға.

Адамдықтың шамасы,

Өлшенеді мінезбен.

Адамдықтың танымы,

Иман болар көрінген.

Құранның отыз парасы,

Меңгерген адам данасы.

Дәуіттен үлгі ғалымдық,

Адамдық тектің жалғасы.

Құлақтан кіріп бойды алған,

Жаман сөз болар арамнан.

Шымырлатып етіңді,

Етіңнен қанды қарайтқан.

Иманнан терер гүлің бар,

Исі жұпар аңқыған.

Көркем сөзбен тіліңді ал,

Аманат мирас нақылдан.

Қол екі істер ақталса,

Иықтан жүктер жеңілдер.

Аяқта тамыр ұзарса,

Табаннан қуат жегізер.

Алыстан арбап,

Көңілді жаулап

Алады түсіп ізіңе.

Тағдырдан сынақ,

Көңілге тоқтық салатын,

Тылсымнан хабар алатын.

Көзі ашылса ұжданың,

Аруақпен жалғап қанатын.

Ғалымдықтың өлшемі,

Он үшпен ойды түймегі.

Рұқтан қуат өндірген,

Жанның болар өткелі.