Байтасов Т.К. жеке блогы

Бір суыр адасыпты оттап жүріп,

Кез болды бір ауылға көп қаңғырып.

Ит қуалап тыққан соң иесіз үйге,

Бояу толы шелекке кетті кіріп….

Шикі надан, ақылы жоқ

Жас баламен бір есеп.

Біле тұра алдап алмақ,

Естілердің жолы емес.

Сен ғылымға болсаң ынтық,

Бұл сөзімді әбден ұқ.

Білгеніңнің жақсысын қыл,

Білмегенді біле бер.

Шаранамен туып едің,

Бөз оранып кетесің.

Бір сағымды қуып едің,

Қай уақытта жетесің?

Қатындар жас баласын күтеді,

Аямай қолдан келген шамасымен.

Емізбей ұрып-соғып, түртеді,

Ержетіп есі кірген баласын.

Өлімнің хақ екенін көрсең де,

Өлместей омыраулап, шатасың.

Дозақтың барын біліп жүрсең де,

Күнәға әлің келсе, батасың.

Патшалар сансыз шығын қылады,

Дайындап соғыс үшін ғаскерін.

Аямай бірін-бірі қырады,

Ел алар оққа байлап жастарын.

Сөз жазамын түнімен,

Бар ұйқымды қашырып.

Тығып қойман мұны мен

Еш адамнан жасырып.

Сынатарсың өзіңді,

Менің түгім құрымас.

Өлген кісі сөзімді

Сынама деп сұрамас.

Басында жан мен дене екі басқа,

Жан шыдап тұра алмайды қозғалмасқа.

Дене сауыт сықылды жанның орны,

Оған да күту керек бұзылмасқа.