Байтасов Т.К. жеке блогы

Ноқта тақ жаман әдетке,

Үйретпе бойды күптікке.

Шолжаң мінез, жөнсіздік,

Апарар айдап көп дертке.

Жазалы жандар,

Жабырқау ойлар

Жар жүзімен қауышпай,

Түнекте жатар.

Қара түнек ішке енген,

Ағаратын күн бар ма?

Ауру дерттер меңдеген,

Шипасына жол табарға?

Қалтқысы жоқ қайғысыз,

Қара суға семірер.

Әсершілдік уайымсыз,

Жаңашыл жынды пенделер.

Ең үлкен олжа,

Ғашықтық жарға.

Кернеген бойды,

Сезім бір болса.

Бес қуат тәңір боларлық,

Адамзатқа қуат аларлық.

Алладан басқа тәңір жоқ,

Сипаты қозғау саларлық.

Он саусақ белгісі — он саулық,

Оң мен солы пар болар жұптық.

Адамзатқа берген рахметі Алла,

Қозғалысқа қолқабыс болар байлық.

Көңілге керек тыныштық,

Денеден кетпей салғырттық

Жүректің көзі ашылмас,

Ойға түсіп уайым ауырлық.

Жайма шуақ сәттерді елемеген,

Жамандықты көңілге ала берген.

Дерт меңдесе көңілді ала бөтен,

Бұл бір себеп пенденің көлеңкеден.

Мойында тұрған бар қуат,

Таралар бой, тамырды қуалап.

Жұмақтық кетсе мойыннан,

Қаралық алар тез орап.