Байтасов Т.К. жеке блогы

Дән егіліп жүрекке,

Иман боп өніп өскені.

Қосылған қуат қан текке,

Егіні құдай сепкені.

Рухани елді жаңғыртып,

Боламыз озық әлемде.

Дүние,байлық қуаныш,

Болады деп еншіде.

Қарама–қарсы сезімдер,

Бойынан пенденің жетілер.

Бірі туса сүюден,

Кемтарлық бірінен көрінер.

Кетіп қадір бастардан,

Қадірсіздер елді басқарған.

Көпшілік жүр жалаңбас,

Бас киіммен болып қас.

Өмірде көп адасқан,

Талай күнә жасаған.

Тыйып қойып ұятты,

Күнәға күнә жалғаған.

  Тағдырға әркім өзі ие,

Тағдырға налып күйзеле

Қиындық түссе басыңа,

Өзімнен деп кінә, мін ізде.

Қарттық келер аяңдап,

Алыс деп оны ойлама.

Алда көрер нәсібің,

Жас шақтан жиғанда.

Ақиреттің сауабы,

Дүниелікпен өлшенбес.

Құлшылық ізгілік жауабы,

Өлісіз иман келтірмес.

Қараңғылыққа түскен жүректер,

Ақиретті ешбір ойламас.

Бір өлерін сөз етіп,

Құдайды ойға көп алмас.

Уақыт сыншы төреші,

Ақылдың мінген кемесі.

Баға берер өткенге,

Тағдырдың жазу есебі.