Байтасов Т.К. жеке блогы

Нәзіктік әйелден жоғалса,

Еркектен ерлік жойылса.

Ерсілік емей немене

Балада балғындық болмаса.

Бойында жоқ қанағат,

Байлығын дүние армандап.

Бергенін Құдай азсынып,

Шүкірсіз көп адамзат.

Кішіпейіл адамның,

Пейілі кең болады.

Өзімшілдің мінезі,

Сынаптай сусып тұрады.

Талап пенен терең ой,

Адамдықтан шығады.

Ар-ұят пен махаббат,

Ұжданнан пайда болады.

Әдепсіз елдің салтына,

Еліктегіш халқына.

Бөтеннің жоғын жоқтамай,

Кім қайтты екен ауылына?

Ақ батамен аластап,

Тұла бойға қорған сап.

Ата-баба аруағы,

Тылсымнан тұрар бақылап.

Тағдырдағы жамандық,

Күнә мен қылық, арамдық.

Кетсін десең қам жаса,

Ет мал, тері ағартып.

Дүние қызық мақтан боп,

Қол жеткізбес арман боп.

Адастырар ашкөздік,

Ақирет ісін жалған ғып.

Жаманды жақсыдай көреді,

Көпті аз деп біледі.

Ақылы саяз болса да,

Білгішсініп жүреді.

Үнемі іздеп, жетіліп,

Талаптанып беріліп.

Жақсы нәрсе соңында,

Жүрген жандар жосылып

Тәуекелшілдер жасасын!