Байтасов Т.К. жеке блогы

Сөз -қуат, күш берер,

Желпіндіріп сес берер.

Аяқтан шалып еңкейтіп,

Кейбірі сүйектен өткізер.

Ұйқастық іздеп сайраған,

Жаздым деп өлең қуанған

Келістіріп шумақ сезіммен,

Сөзінен құнар жоғалған.

Құйқылжытып ән салған,

Шындықты айтып сайраған.

Құстардың әсем әнінде,

Ақиқат үні жасырылған.

Періліктің әсері,

Өсірсе тырнақ ұлғайар.

Жанған іштен қаралық,

Тырнақ боп өсіп тазарар.

Қол істеген ісіңді,

Мойынға алып түзерсің.

Кейінгіге жүк болып,

Жамандығы өтпесін!

Қыс келер көңіліңнің мұзы қатып,

Бейне ұйқыға түсерсің сілең қатып.

Ар деген арланып шығар пенде болсаң,

Қайта шығар күндерің кеткен батып

Машақатқа салынып,

Еріккенмен ерігіп.

Жалаң сөзге желпініп,

Көпшілік жүр зерігіп.

Сүрінгенге күлмессің,

Күнә жинап бойыңа.

Құлағанға демеу бер,

Кезігерсің жақсыға.

Асығады адамзат,

Аптығады несіне?

Қызық, думан, сайранға

Алданады бәрі де.

Тұрақсыз мінезден,

Шикілік тұрар түбінде.

Алаңдаған көп жастың,

Ділі әлсіз бүгінде.