Байтасов Т.К. жеке блогы

Сәнимен құпия жасырған,

Сан ғасырға ұласқан.

Ұлықтықтың белгісі,

Дән ішінде қалысқан.

Берік сенім, қажымас қайрат қайда?
Бірілікпен іс істерлік ерлік қайда?
Қолдағыны қадірлемей тосынамыз,
Құдайға берген уәде-тілің қайда?

Ой қуаты теңізден,

Түп-тұқияннан негізден.

Жұлдыздың түскен сәулесі,

Ойпатты жердің ішінен.

Сырт көзге сыпайы боп жақсы аталмақ,

Ішіне жиып алып жаман атақ.

Нәпсіге ие болмай жолдан тайып,

Бір күні опық жесе қайтіп оңбақ?

Сансыз бапқа салауат,

Нұр есігін ашқан тат.

Жол көрсетіп игілікке,

Құдайдан алған аманат!

Шыр көбелек айналған,

Дүние өтер түрленіп.

Бір орында тұрмаған,

Тірлік өтер тербеліп.

Селкілдеген секемшіл,

Жағалаған мешітті.

Лә илаһа дұға оқыр,

Делқұлының белгісі.

Естелік боп күнәлар,

Қыр соңыңнан қалмайды.

Тәубең болса азшылық,

Сорың сонан қайнайды.

Жеті мүше сәждесі,

Қар мен шынтақ жазылса.

Сегіз сезім мүшесі,

Ыдысы білек тазарса.

Алладан иман сұраңыз,

Қуатын таусып алмаңыз.

Көп тілек ішіне жасырған,

Зайырлы сипат болмақсыз.