Байтасов Т.К. жеке блогы

Бос үміті алдаған,

Шырағы жанбай қиналған.

Жер бетінде пенде көп,

Оты бықсып шоқ болған.

Ішіңе түскен арам ас,

Асқазан түбін ағартпас.

Миыңа жетіп уыты

Көгіңнен нұрды қондырмас.

Сиқырмен күнін көргендер,

Тағдырын байлап бергендер.

Сәуегеймін деп бал ашып,

Жындарға қызмет еткендер.

Түбі жоқ, түпсіз жемқорлар,

Қарынды отқа толтырар.

Халықтың жеп үлесін,

Кеудесін керіп жылмияр.

Ғибадат түбі береке,

Құлшылық мәні жүректе.

Сан-сауалды қойдырған,

Ақылдың күші ерікте.

Ақиқат түбі ақталу,

Көкпен жерге жалғану.

Жасырын сырлар тығылған,

Жарыққа қайта айналу.

Имандылықтың тынысы,

Дертке дауа жан ісі.

Қисықты түзер иманмен,

Кісінің болса түгел ар ісі.

Топырақтан тәні жаралған,

Асылы топырақ құмырадан.

Жер анамен жүрек дүрсілі,

Рұқымен қуат жалғанған.

Қазіргі таңда ата жолында жазбаларын зерттеп, тақуалық үлгі амалдарын орындаумен рухани тұрғыда жетістікке жетіп жатқандар, жанын жарыққа шығарып жеті ата-баба тағдырына жалғанудың да үлгісі қалыптаса бастады. Бірақ құран үніне жалғанумен байланысты Ақ ұлдың кезіндегі хикметті жағдаймен тылсымнан ақ батаның елге шындықпен оқылуы ғана әлі дұрыс жолға қойылған жоқ. Оған себеп, сол кездегі мұндай Алланың мұғжиза, хикметі, ғылымы мен кереметінің бірге жүру ерекшелігіне қарсылықтың да сол дәрежеде жетіліп, ғылымсыз жындармен байланысты кереметтерге жалғануға негізделген жалған мөр ашу, жалған батамен және жындар тобына жалғанып көріпкелдік кереметтердің де пайда болуымен байланысты екені сөзсіз.

Рахатын теріске айналдырған,

Қыз, қатын, етекбасты ерлер азған.

Ішіп-жеммен, ойын сауық, арзан күлкі,

Жеңіл тұрмыс сүрумен байландырған.