Ындынсыз дене,
Зейнетсіз киім.
Болғанмен кебін.
Кебенек кимей,
Бекімес сенім.
Байтасов Т.К. жеке блогы
Қаскөй көңіл жанжалшыл,
Бойыңнан мін іздейді.
Тексеріп түгіл сыртыңды,
Түгелдейді кеміңді.
Көңіл құсы қалықтап,
Көгінде аспан самғаса.
Кірбің кірмей көңілге,
Жүрегің оны құптаса.
Қадірің артса халыққа,
Айналып бойың жарыққа.
Даналық сөзбен байыптап,
Ар жолын көрсет халыққа.
Ту сыртыңнан қадалған,
Көптің сөзі түк емес.
Жеңілдетіп жүгіңді,
Күнәңді ауыр жалғанған.
Жалғасын тапқан жақсы сөз,
Жанға жарық сыйлайды.
Келеке еткен қалжың сөз,
Жан жарасын тырнайды.
Баянсыз бақыт жайлады,
Адамдардың ішінде.
Сырттан жағып бояуды,
У сіңірді ішіне.
Көңіл көзі ашылса,
Жүректегі күп кетер.
Санаға саңылау ашылса,
Нәсіп пенен бақ тілер.
Қисық сөздің әсері,
Адам жанын қынжылтар.
Жылтыр сөздің әсері,
Құт-береке қашыртар.
Қазағымның тойына,
Ақ шашуды нәсіп ет!
Тойтарыс беріп бой жынға,
Көп игілік нәсіп ет!
