Байтасов Т.К. жеке блогы

Алыс беріс ой салмақ,

Аруақтан қуат қосылмақ.

Күміс сөздің әсері,

Бата болып жазылмақ.

Тарғылдық үнде бір белгі,

Ақталмай қалған күнәдан.

Жүктеліп өзге ел нәсілдері,

Ниеті ата-ананың қайда қалған?

Ермек үшін сөз жазбаған,

Көп тағлым Абай қалдырған.

Тұшынып сөзін түсінген,

Шықты ма мықты арадан?

Тағдырды тазарт жүктерден,

Шежіресін жеті ата меңгерсең.

Талаптан сауап іс жаса,

Садақа артық хайырмен.

Болса да кедей қолы ашық,

Жомартық еткен пенде артық.

Болса да бақты, дәулетті,

Сараң байдың несі артық?

Келеке етіп дәстүрді,

Билеушілер құтырды.

Озамыз, деп заманнан,

Салтымен батыс қитұрқы.

Асыл болса мұратың,

Жарыққа шығар ұжданың.

Ақтылықта болса ниетің,

Құсыңа қанат ұшатын.

Көппенен өлшеп берілген,

Нығметке сансыз бөленген.

Байлықтың бар үлкені,

Жүрекке иман боп енген.

Қосылып жақсы жаманға,

Жақсыдан өнер ізгілік.

Жаманға жұғып ұшқыны,

Ақ пен қара теңелер.

Ыбырайым жолын жалғаған,

Дәстүрі қазақ салтынан.

Үлгі алар ғибрат бар,

Адамға Құдайды таныған.